სამხრეთ კორეის პარლამენტმა კენჭისყრის შემდეგ, ქვეყნის ლიდერის, პაკ კინ ჰეს იმპიჩმენტის გადაწყვეტილება მიიღო. კენჭისყრის მიზეზი კორუფციული სკანდალი გახდა, რომელშიც პრეზიდენტი ცოტა ხნის წინ გაეხვა. ინფორმაციას CNN ავრცელებს.

პრეზიდენტის გადაყენების მოთხოვნას 234-მა კანონმდებელმა დაუჭირა მხარი. პაკ კინ ჰეს იმპიჩმენტის წინააღმდეგი 56 პარლამენტარი იყო, ხოლო 6-მა პასუხის დაფიქსირებისაგან თავი შეიკავა.

პარლამენტის გადაწყვეტილებას საკონსტიტუციო სასამართლო განიხილავს. პროცესმა 180 დღე შეიძლება გასტანოს. უცნობია გადადგება პრეზიდენტი იმპიჩმენტის შემდეგ, თუ სასამართლოს გადაწყვეტილებას დაელოდება.

პაკ კინ ჰემ სამხრეთ კორეის პრეზიდენტის პოსტი 2013 წლის 25 თებერვალს დაიკავა.