ქართული ოცნების გენერალური მდივანი, კახა კალაძე აცხადებს, რომ "ქალბატონებს" განსაკუთრებული ადგილი აქვთ "მამაკაცების ცხოვრებაში" და პოლიტიკაში. ასე გამოეხმაურა ის კრიტიკას იმაზე, რომ მისი პარტიის მაჟორიტარ კანდიდატებს შორის 30-დან მხოლოდ ერთია ქალი.

"ქალბატონების როლი ზოგადად პოლიტიკაში და ჩვენს ცხოვრებაში, მამაკაცები ვართ ქალს აქვს განსაკუთრებული როლი, განსაკუთრებული ადგილი და ასევე, ჩვენ მომდევნო 2020 წლის პარლამენტში ძალიან ბევრ წარმატებულ, ნიჭიერ კანდიდატს ვიხილავთ ჩვენი მხრიდან", — განაცხადა კალაძემ.

20 ივლისს ქართულმა ოცნებამ მაჟორიტარი დეპუტატობის კანდიდატები წარადგინა. მაჟორიტარების სიაში ძირითადად მოხვდნენ ოცნების ძველი სახეები, მათ შორის ქალი მხოლოდ ერთია. ამას კრიტიკა მოყვა, რადგან სწორედ ქართული ოცნების ინიციატივა იყო სავალდებულო კვოტირების შემოღება, რაც ქალთა გაძლიერების სურვილით განმარტეს.

გაიგეთ მეტი "ოცნების" მაჟორიტარების წარდგენაზე: