ქართული ოცნების გენერალური მდივნის, კახა კალაძის განცხადებით, მაჟორიტარებად ის პირები შეარჩიეს, ვისაც იმ ოლქებში ყველაზე მეტი ნდობა აქვთ, რადგან "მაჟორიტარი ცოტა განსხვავებული ტიპაჟია".

"4-5 ადამიანი განიხილებოდა თითოეულ ოლქში, აქ საუბარი არის, ასევე, ახალ-ახალ სახეებზე, რომლებსაც ჩვენ ცოტა მოგვიანებით საარჩევნო სიებში ვიხილავთ. თქვენ იცით, რომ მაჟორიტარი ცოტა განსხვავებული ტიპაჟია და როდესაც ჩვენ ჩავატარეთ კვლევები, საუკეთესოები აქ არის წარმოდგენილი, ვისაც ყველაზე მეტი ნდობა და მხარდაჭერა აქვს საზოგადოების მხრიდან იმ კონკრეტულ ოლქებში, სადაც არიან წარმოდგენილი", — განაცხადა კალაძემ რუსთავი 2-ის ეთერში.

20 ივლისს ქართულმა ოცნებამ მაჟორიტარი დეპუტატობის კანდიდატები წარადგინა. მაჟორიტარების სიაში ძირითადად ოცნების ძველი სახეები არიან, მათ შორის ქალი მხოლოდ ერთია. მაჟორიტარად არ წარუდგენიათ იმ დეპუტატების ნაწილი, რომლებმაც მაჟორიტარული სისტემის უპირატესობის მოტივით პროპორციული კანონპროექტი ჩააგდეს.

გაიგეთ მეტი "ოცნების" მაჟორიტარების წარდგენაზე: