სურამში ცოლის მკვლელობის ბრალდებით ქმარი დააკავეს. მას ოჯახის წევრის დამამძიმებელ გარემოებაში განზრახ მკვლელობას ედავებიან და 13-დან 17 წლამდე პატიმრობა ემუქრება.

გამოძიების ინფორმაციით, დაკავებულმა ცეცხლსასროლი იარაღიდან სასიკვდილო ჭრილობა მიაყენა ცოლს, რომელიც ადგილზე გარდაიცვალა. სამართალდამცველებმა დანაშაულის ჩადენის იარაღი ნივთმტკიცების სახით ამოიღეს. უწყების განცხადებით, ბრალდებული აღიარებს ჩადენილ დანაშაულს.

როგორც სამინისტროში ამბობენ, პოლიციაში ცოლ-ქმარს შორის შესაძლო კონფლიქტის თაობაზე განცხადება ან შეტყობინება არ ფიქსირდება და შემაკავებელი ორდერი გამოცემული არ ყოფილა.

გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის "ვ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს