დონალდ ტრამპმა ტვიტერიდან მსოფლიოს ამცნო, რომ საკუთარ ბიზნესს მთლიანად ტოვებს. პრეზიდენტად არჩეულმა რესპუბლიკელმა განაცხადა, რომ მთელი ყურადღების გადატანას ამერიკის მართვაზე აპირებს.

მილიარდერი ბიზნესმენი, რომლის ქონებაც Forbes-ს 3,7 მილიარდად აქვს შეფასებული, კრიტიკის ობიექტი გახდა, რადგან ის აპირებდა ბიზნესის შენარჩუნებას პრეზიდენტობის დროსაც. იურისტების თქმით, ამ გზით ის და მისი ადმინისტრაცია პრეზიდენტობის პირველივე დღესვე დაარღვევდნენ კონსტიტუციას.

ტრამპის თქმით, ბიზნესის მიტოვება მისი გადაწყვეტილება იყო და მისი მიღებისკენ არავის უბიძგებია. მისივე თქმით, ეს ნაბიჯი აშკარად მნიშვნელოვანი იყო.

ტრამპს არ უთქვამს, როგორ დატოვებს ბიზნესს. შესაძლოა მან ის საკუთარ შვილებს გადააბაროს. პრეზიდენტად არჩეული ბიზნესმენი დამატებითი განმარტებების გაკეთებას დეკემბრის შუა რიცხვებში გეგმავს.