ჩრდილო-აღმოსავლეთ საფრანგეთში, ტილოი-ლეზ-მარტინენის საბჭომ შაბათს მარი კაუ მერად აირჩია. შედეგად ის გახდა პირველი ღიად ტრანსგენდერი ქალი, რომელმაც არჩევნებში გამარჯვება მოიპოვა. ამის შესახებ ინფორმაციას BBC ავრცელებს.

55 წლის მერი ეკოლოგიური მდგრადობისა და ადგილობრივი ეკონომიკის მშენებლობის პლატფორმას წარმოადგენდა. მან აღნიშნა, რომ აქტივისტი არაა და სურს, რომ ყურადღება მუნიციპალურ პოლიტიკაზე გამახვილდეს.

საფრანგეთის გენდერული თანასწორობის მინისტრმა კვირას მერს მხარდაჭერა გამოუცხადა.

"ტრანს ხილვადობა და ტრანსფობიის წინააღმდეგ ბრძოლა, ასევე, დამოკიდებულია პოლიტიკური და საზოგადოებრივი პასუხისმგებლობების შესრულებაზე. გილოცავთ მარი კაუ", — აღნიშნა მან.

ტილოი-ლეზ-მარტინენის კომუნა ბელგიის საზღვართან მდებარეობს და მისი მოსახლეობა 600 ადამიანზე ნაკლებია.