იუსტიციის საბჭოს არამოსამართლე წევრმა, ანა დოლიძემ მოძრაობა ხალხისთვის შექმნა. როგორც დოლიძემ TV პირველის ეთერში განაცხადა, მოძრაობაში ერთიანდებიან ადამიანები, რომლებიც ერთმანეთს სხვადასხვა ბრძოლის დროს დაუკავშირდა. ამასთან, ის ამბობს, რომ პოლიტიკური პარტიის ჩამოყალიბებას ჯერ არ აპირებს.

რამდენიმე საათის წინ ანა დოლიძემ ფეისბუქის თავის გვერდზე "მანიფესტი ხალხისთვის" გამოაქვეყნა:

"უდიდესი საფრთხეა დღეს, რომ ჩაკვდეს ჩვენი მთავარი ღირებულება — საკუთარი თავის რწმენა, მუხტი თავისუფლებისთვის ბრძოლის, იმედი, რომ შეგვიძლია შეცვლა და ჩვენი მიზნების შესრულება. შედეგად, ვიღებთ "ჩაკლულ სულებს", რომლის მართვა გაცილებით იოლია. 21-ე საუკუნეშიც ისევ თავისუფლებისთვის ვიბრძვით, ისევ, სიღარიბეს ვებრძვით, ისევ სამართლიანობას ვეძებთ და შევნატრით მშვიდ ცხოვრებას".