რეალობამ, რომელშიც ახლა ვცხოვრობთ, ბავშვებისათვის აქამდე უცნობი გამოწვევები შექმნა. ვირტუალური გაკვეთილები, კარჩაკეტილობა, ეკრანებთან მიჯაჭვულობა და, რაც ყველაზე მთავარია, ერთფეროვნება მათთვის უჩვეულო სტრესულ გარემოს ქმნის.

სწორედ ამიტომ, მნიშვნელოვანია, რომ ჩვენი ყოველდღიური საზრუნავი, ჯანმრთელობასთან ერთად, ბავშვების მენტალური და ფიზიკური განვითარებაც იყოს.

სულაკაურის გამომცემლობის სერია "ითამაშე და ისწავლე" დაგეხმარებათ, მათი დრო და ენერგია მიმართოთ შემეცნებითი, პროდუქტიული და სახალისო თამაშობებისკენ და ყოველდღიური ერთფეროვნება შეუმსუბუქოთ ისეთი აქტივობებით, რომლებითაც ბავშვები თქვენთან — მშობლებთან, ბებია-ბაბუებთან თუ უფროს და-ძმებთან — ერთად გაერთობიან.

სერიის წიგნები — დიდი ფორმატის გასაფერადებელი ატლასები, თავსატეხები, ფაზლები თუ ასაწყობი 3D ფიგურები — პატარა მკითხველებს არაერთი საინტერესო და მნიშვნელოვანი საკითხის შესწავლას გაუადვილებს. ჩვენ მიერ გამოცემული ეკოლოგიურად სუფთა ინტერაქციული წიგნები პატარების ცოდნასა და ინტერესის არეალსაც საგრძნობლად გაზრდის და ნებისმიერი ზომის ეკრანსაც ჩაანაცვლებს.

გთავაზობთ 5 ტიპის ინტერაქციულ წიგნს, რომელთა დახმარებითაც ბავშვები ითამაშებენ და ისწავლიან სახლში ისე, რომ მოწყენისთვის დრო აღარ დარჩებათ.

1. ქართული ანბანის ფაზლი (ასაკი 4+)

ყუთში დაგხვდებათ:

• 66-ნაწილიანი ფაზლი;
• ქართულ ანბანზე შექმნილი გივი ჭიჭინაძის საბავშვო ლექსების წიგნი;
• ქართული ანბანის პოსტერი.

ეს ფაზლი სკოლამდელი ასაკის და პირველკლასელ ბავშვებს ანბანის შესწავლაში დაეხმარება. ბავშვები პოსტერის დახმარებით შეძლებენ, თითოეული ასო დააკავშირონ შესაბამის სიტყვასთან და ამ გზით კარგად დაისწავლონ ანბანი, ხოლო გივი ჭიჭინაძის წიგნში ნებისმიერ ასოზე იპოვონ და წაიკითხონ ლექსი.

გარდა ანბანის სახალისო გზით შესწავლისა, ამ ტიპის ფაზლები მოტორიკისა და კონცენტრაციის უნარების განვითარებისთვისაც ძალიან მნიშვნელოვანია.

2. ფაზლები "საქართველო", "დედამიწა" და "კოსმოსი" (ასაკი 6-12 წელი)

ყუთებში დაგხვდებათ:

• 205-ნაწილიანი ფაზლი. ოვალური ფაზლი დიდ ფორმატზე თვალსაჩინოს გახდის ყველაფერს, რასაც ბავშვები დამხმარე წიგნიდან შეისწავლიან;
• 32-გვერდიანი დამხმარე წიგნი.

წიგნებში მოკლედ და მარტივად არის გადმოცემული თემატიკის შესაბამისი ძირითადი ინფორმაცია.

მაგალითად, "საქართველო" გაგაცნობთ ჩვენი ქვეყნის თითოეული რეგიონის ღირსშესანიშნაობებსა და ტრადიციებს და შესაძლებლობას მოგცემთ, თქვენს შვილებთან ერთად "მოიაროთ" საქართველო.

თუ დედამიწის გარშემო მოგზაურობისთვისაც მზად ხართ, ფაზლი "დედამიწა" მოგიყვებათ ჩვენს პლანეტაზე არსებული საოცრებების, უცნაური ცხოველებისა თუ ფრინველების, უმაღლესი მწვერვალებისა თუ წყალუხვი მდინარეების შესახებ.

საქართველოსა და დედამიწის ირგვლივ მოგზაურობის შემდეგ კოსმოსის საიდუმლოებებით სავსე სამყაროს შეცნობის დრო დგება! ფაზლი "კოსმოსი" მთელ ოჯახს კოსმონავტებად გაქცევთ და უკიდეგანო და ამოუცნობი მზის სისტემისა და კოსმოსის შესასწავლად გაგიძღვებათ.

3. "გააფერადე რუკები" — მსოფლიოს ატლასი, ისტორია და ცხოველთა სამყარო (ასაკი 6+)

ეს დიდი ფორმატის გასაფერადებელი ატლასები დაეხმარება ბავშვებს, უკეთ შეიცნონ მსოფლიო, გაიგონ მნიშვნელოვანი ისტორიული მოვლენების შესახებ და აღმოაჩინონ გასაოცარი ველური ბუნება.
მსოფლიოს ატლასის დახმარებით, ბავშვებთან ერთად "მოივლით" ამა თუ იმ კონტინენტს, გაიცნობთ იქაურ ხალხს და შეიტყობთ მეტს მათი ღირსშესანიშნაობებისა თუ წეს-ჩვეულებების შესახებ.

ისტორიის გასაფერადებელი გამოგზაურებთ წარსულში და გიამბობთ მნიშვნელოვან ისტორიული მოვლენებს; გაგაცნობთ არტეფაქტებს და იმ ადამიანებს, რომლებმაც ისტორიაში თავიანთი კვალი დატოვეს.

ცხოველთა სამყაროს დახმარებით შეიტყობთ საინტერესო ამბებს უამრავი ცხოველის, მცენარის, მწერისა თუ თევზის შესახებ.

4. არდადეგების წიგნი (ასაკი 6+)

თუ სახლში "არდადეგების წიგნი" გაქვთ, მოწყენა და ერთფეროვნება ნამდვილად არ გემუქრებათ!

ამ წიგნში 200 სტიკერთან ერთად თავმოყრილია თავსატეხები, კროსვორდები, გემრიელი კერძების რეცეპტები, სახატავი დავალებები, ჯგუფური თამაშების უამრავი იდეა და სხვა ნაირ-ნაირი გასართობი, რომლებიც არა მხოლოდ ბავშვებს, არამედ მთელ ოჯახს გაგახალისებთ.

5. ააწყვე გასაოცარი გლობუსი (ასაკი 7-13 წელი)

ყუთში დაგხვდებათ:

• ასაწყობი სამგანზომილებიანი გლობუსი;
• პატარა მკვლევრების სახელმძღვანელო.

ჩვენი მშვენიერი პლანეტის გაცნობაში თქვენს პატარებს ეს ნაკრები დაეხმარება. სამგანზომილებიან გლობუსზე, რომელიც თავად უნდა ააწყონ, ყველაფერი უფრო ხელშესახები და მარტივად აღსაქმელია, ხოლო მკვლევრის წიგნში თავმოყრილია ინფორმაცია საინტერესო ადგილების, ცოცხალი არსებებისა თუ ისტორიული პიროვნებების შესახებ.