ლიბერთი უკვე მრავალი წელია 60+ ასაკის ადამიანებს პენსიის დროული, სწრაფი და ხარისხიანი მიღებით უზრუნველყოფს. COVID-19-ით გამოწვეულმა რეალობამ კი, სადაც კომპანიის რეგულარული მომხმარებლები განსაკუთრებული რისკის ქვეშ არიან, სრულიად ახალი გამოწვევები გააჩინა, რომლებთან გასამკლავებლად ლიბერთიმ სწრაფი და ძალიან მნიშვნელოვანი ნაბიჯები გადადგა.

მარტის ბოლოს ლიბერთი ბანკმა საკუთარი რესურსებით 100 მლნ ლარი გამოყო და აპრილის თვის პენსია ნაცვლად 14 რიცხვისა, წინასწარ ჩაერიცხათ პენსიონერებს. იმისათვის, რომ მომხმარებლის ნაკადის სერვისცენტრებში შემცირებულიყო, ლიბერთიმ შექმნა სპეციალური საიტი myliberty.ge, სადაც ნებისმიერ პენსიის მიმღებ პირს შეუძლია გადაამოწმოს კონკრეტული დღე და საათი, როდესაც შეუძლია ბანკომატიდან და სერვისცენტრებიდან ნაღდი ფულის გამოტანა.

პენსიონერი ადამიანებისთვის ხმის მისაწვდენად ლიბერთიმ წამოიწყო ციფრული კამპანია #დარჩისახლშიბებო / #დარჩისახლშიბაბუ, სადაც ბანკის თანამშრომლებთან და ახალგაზრდა მომხმარებლებთან ერთად, საზოგადოებისთვის ცნობილი ადამიანებიც მოუწოდებენ სხვებს, დაეხმარონ მათ გარშემომყოფ პენსიონერებს გრაფიკის გადამოწმებაში და რაც მთავარია, ნაღდი ფულის მოხმარების შემცირებაში.

კამპანიის მთავარი მესიჯებია, მოვარიდოთ 60+ ადამიანები მაღაზიებში ნაღდი ფულით გადახდას და ამის ნაცვლად, ვასწავლოთ მათ როგორ გამოიყენონ ბარათი. კამპანიაში უკვე ბევრი ცნობილი თუ არც ისე ცნობილი ადამიანი ჩაერთო და კამპანიამ გამოწვევის სახე მიიღო.

სახლში ყოფნის კიდევ უფრო მეტად გასამარტივებლად, ლიბერთის სოციალური პასუხისმგებლობის ფეისბუქ გვერდზე ჩემი ლიბერთი უფროსი თაობის ადამიანებისთვის ცეკვის, იოგას, კომპიუტერის ონლაინ გაკვეთილები დაიწყო.

მომხმარებლებზე ზრუნვის მიზნით და ქვეყანაში არსებული მდგომარეობის გათვალისწინებით, მარტის თვიდან მოყოლებული, ლიბერთის მომხმარებლები დისტანციური არხებით — ინტერნეტ ბანკით, მობაილ ბანკითა და სწრაფი გადახდის აპარატებით სარგებლობისას კომუნალურ (ელექტროენერგია, წყალი, გაზი და დასუფთავება) გადასახადებს საკომისიოს გარეშე იხდიან.

ამასთან ერთად, სერვისცენტრებში მომხმარებლების ნაკადის შესამცირებლად სოციალური ტიპის ძირითად ბარათებს, რომელთა მოქმედების ვადა მიმდინარე წლის თებერვალში დასრულდა, მოქმედების ვადა მაისის ბოლომდე გაუხანგრძლივდათ. ხოლო იმ სოციალური ტიპის ბარათებს, რომელთა მოქმედების ვადა მიმდინარე წლის თებერვალში, მარტში, აპრილში ან მაისში სრულდება, ბარათის მოქმედების ვადა ავტომატურად სამი თვით გაუგრძელდებათ.

ასევე ლიბერთიმ წამოიწყო ახალი პროექტი სოციალური ბარათის მფლობელთათვის. წამყვან სააფთიაქო ქსელებში: ავერსი, ფარმადეპო და პსპ, ბარათით გადახდისას ნაღდი ფულის გატანასაც შეძლებენ. კერძოდ, მომხმარებელს მინიმუმ 5 ლარის ღირებულების პროდუქციის შეძენისას ნებისმიერი აფთიაქის სალაროდან 50 ლარამდე ოდენობით ნაღდი ფულის მიღების შესაძლებლობა ეძლევა.

ლიბერთი მხარდაჭერას უცხადებს არა მხოლოდ 60+ ადამიანებსა და სოციალური ბარათის მფლობელებს. სოციალური პასუხისმგებლობის პროგრამის #ლიბერთიგულით ფარგლებში, ბანკი აგრძელებს წლების წინ დაწყებულ საქმეს — ქვეყნის მასშტაბით არსებული მცირე საოჯახო ტიპის სახლებისა და მიუსაფარ ბავშვთა სადღეღამისო თავშესაფრების კომუნალური ხარჯების ანაზღაურებას მთელი წლის განმავლობაში. ამას გარდა, შექმნილ ვითარებაში, COVID-19-ის წინააღმდეგ ბრძოლაში ბანკი მხარდაჭერას უცხადებს სახელმწიფოს და 52-ვე ობიექტს პირველადი საჭიროების მედიკამენტსა და უსაფრთხოებისთვის აუცილებელ ინვენტარს უსასყიდლოდ გადასცემს.

მაშინ, როდესაც ადამიანებს ყველაზე მეტად სჭირდებათ დახმარება და თანადგომა, ამ უჩვეულო და რთული პერიოდის მაქსიმალურად მცირე დანაკარგით გადასატანად, ლიბერთი აგრძელებს საზოგადოებაზე ზრუნვას და ამყარებს რწმენას, რომ არსებული რეალობის გადალახვა ერთად დგომითა და ერთმანეთის მხარდაჭერითაა შესაძლებელი.