შინაგან საქმეთა სამინისტროს განცხადებით, სამართალდამცავებმა წარსულში მრავალჯერ ნასამართლევი 2 პირი ქურდობის ბრალდებით გორში დააკავეს.

უწყების ცნობით, ბრალდებულებმა მიმდინარე წლის აგვისტო-ოქტომბერში გორში 5 ბინა გაქურდეს, საიდანაც სხვადასხვა დასახელების საოჯახო ტექნიკა, ძვირფასეულობა და ფული წაიღეს:

"ქურდობის შედეგად, მოქალაქეებისთვის მიყენებული მატერიალური ზარალის საერთო ოდენობამ 9020 ლარი შეადგინა".

გამოძიება მიმდინარეობს სსკ-ს 177-ე მუხლის მე-2 ნაწილის ა ქვეპუნქტით, მე-3 ნაწილის ა და გ ქვეპუნქტებით, რაც წინასწარი შეთანხმებით ჯგუფის მიერ ჩადენილი ქურდობის ფაქტზე, რამაც მნიშვნელოვანი ზიანი გამოიწვია.