სტუდია მონიტორის ინფორმაციით, მოდების ჩვენება, რომელშიც ჟურნალისტები მონაწილეობენ, თბილისის მერიამ 36 971 ლარი დახარჯა.

თბილისის მერიამ დააფინანსა მას-მოდა 2016-ის მუსიკალური გაფორმება, ტექნიკური და ადმინისტრაციული ჯგუფის ჰონორარები, დიზაინერის ჰონორარი და სასცენო ხარჯები. პროექტის ავტორია დადუ თადუმაძე, რომელმაც ტელეკომპანია იმედს განუცხადა, რომ "ეს ის დღე არის, რომელიც ჟურნალისტებს ძალიან უყვართ, ეს არის დღე, როდესაც ისინი ერთიანდებიან, ეს არის დღე, როდესაც არის აბსოლუტური პოზიტივი და მეტი არაფერი".

ღონისძიება პირველად 2005 წელს ჩატარდა, 2012 წლიდან კი სამწლიანი წყვეტა იყო.

თბილისის მერიის კულტურულ ღონისძიებათა ცენტრის საზოგადოებასთან ურთიერთობასთან სამსახურის წარმომადგენელმა, ჯაბა სიხარულიძემ სტუდია მონიტორს განუცხადა, რომ რადგან ეს იშვიათი პროექტია, ცდილობენ მაქსიმალურად შეუწყონ ხელი: "წარდგა ეს პროექტი და ჩავთვალეთ საჭიროდ, დაგვეფინანსებინა".