მსახიობ დენიელ დაი კიმს კორონავირუსი ნიუ-იორკში, ახალი ამსტერდამის გადაღებების დროს შეეყარა.

10-წუთიან ინსტაგრამ ვიდეოში მსახიობი ყვება, რომ როდესაც ჰავაიში თვითმფრინავით მიფრინავდა, ყელი ატკივდა. მიწაზე დაფრენისთანავე თვითიზოლაციაში მოთავსდა, სადაც სხვა სიმპტომებიც ნელ-ნელა გამოუვლინდა.

ექიმებმა დენიელს ურჩიეს რომ კორონავირუსის დასადგენად ტესტი ჩაეტარებინა. სამწუხაროდ, ტესტი დადებითი აღმოჩნდა. მისი განცხადებით, ოჯახის წევრებთან კონტაქტი არ ჰქონია და სახლიდანაც არ გასულა.

მიუხედავად დაავადებისა, ის საავადმყოფოში არ მოუთავსებიათ და მკურნალობას სახლში, სითხეებით, წამლებით და დასვენებით განაგრძობს.

"მართალია ბოლომდე კარგად არ ვარ, მაგრამ მალე ვიქნები", — ამბობს ის.

დენიელის მდგომარეობა განსაკუთრებით საშიში არ არის, მაგრამ ის სხვებს თვითიზოლაციის წესების და დისტანციის დაცვისკენ მოუწოდებს შევიდნენ. მან ასევე ხოტბა შეასხა ექიმებს, სურსათის გამყიდველებს და მათ, ვინც საფრთხის მიუხედავად მუშაობას აგრძელებს.

თუმცა, ყველაზე მეტად ამ სიტუაციაში გულს ქსენოფობია ტკენს:

"დიახ აზიელი ვარ და დიახ, კორონავირუსი მაქვს. მაგრამ ვირუსი ჩინეთში კი არა ნიუ-იორკში შემეყარა. რაც არ უნდა ილაპარაკონ პოლიტიკოსებმა, სულ არ მაინტერესებს ვირუსი საიდან წამოვიდა. მთავარია ის ხალხი, ვინც ავადაა და კვდება. მადლობელი ვარ რომ ცოცხალი ვარ და თუ ყველა ერთად მოვინდომებთ, ვირუსს აუცილებლად დავამარცხებთ".

დენიელ დაი კიმი ცნობილია, მისი როლით სერიალიდან დაკარგულები. სერიალში ახალი ამსტერდამი მას ექიმის როლი უნდა შეესრულებინა.