მთელ მსოფლიოში კორონავირუსის გავრცელების გამო ჯანდაცვის მსოფლიო ორგანიზაციასთან ერთად, საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრი გვირჩევს, რომ მაქსიმალურად ავირიდოთ თავიდან ხალხმრავალ ადგილებში მოხვედრა.

ერთია სახლში თვითიზოლაციაში ყოფნა და ისეთი გეგმების გადადება, როგორებიცაა მეგობრის წვეულებაზე წასვლა, საღამოობით კინოთეატრში სტუმრობა თუ მოგზაურობა სხვა ქვეყანაში, მაგრამ როგორ უნდა მოვიქცეთ მაშინ, თუ ექიმთან კონსულტაცია გვესაჭიროება? განსაკუთრებით ახლა, როცა კლინიკებში ხალხმრავალ რიგში დგომა ასევე საფრთხისშემცველი შეიძლება იყოს.

გამოსავალი ამ შემთხვევაშიც არსებობს: ინოვაციურ სამედიცინო პლატფორმა REDMED-ს მომხმარებლებისთვის განსაკუთრებული შეთავაზება აქვს, რომელიც საჭიროების შემთხვევაში ექიმთან კონსულტაციის საშუალებას სახლიდან გაუსვლელად გაძლევთ.

ერთი შეხედვით რთულად დასაჯერებელი ჩანს, თუმცა REDMED სამედიცინო ეკოსისტემაა, რომელიც თანამედროვე ტექნოლოგიების საშუალებით ჯანმრთელობაზე ზრუნვას კიდევ უფრო ამარტივებს.

უფრო კონკრეტულად კი შესაძლებობა გაქვთ დისტანციურად, სახლიდან გაუსვლელად ისარგებლოთ თქვენთვის საჭირო სპეციალისტთან კონსულტაციით: მარტივად დაუკავშირდეთ 20-მდე სპეციალობის 100-ზე მეტ ექიმს და თქვენი მდგომარეობის შესახებ დეტალურად გაესაუბროთ. კვალიფიციური ექიმი მდგომარეობის მიხედვით გადაწყვეტს, როგორ მოიქცეთ: კონკრეტულ დანიშნულებას მიჰყვეთ, ექიმი სახლში გამოიძახოთ თუ კლინიკაში ვიზიტზე ჩაეწეროთ.

რაც ყველაზე მთავარია, ამ ყველაფრით სარგებლობა ამჟამად სრულიად უფასოდ შეგიძლიათ: შექმნილი მდგომარეობიდან გამომდინარე REDMED და სამედიცინო პერსონალი უსასყიდლოდ დაგეხმარებიან. თქვენ შეძლებთ უფასოდ გაიაროთ აუდიო კონსულტაცია თერაპევტთან/ოჯახის ექიმთან და პედიატრთან. ამჟამად, ექიმების დიდი რაოდენობა საკუთარი სურვილით უერთდება REMDED-ს, რათა მომხმარებლებს სამედიცინო სერვისები დისტანციურად შესთავაზონ და მაქსიმალურად მოუფრთხილდნენ პანდემიასთან დაკავშირებით მიღებულ უსაფრთხოების ზომებს.

ეს ყველაფერი კი ერთი საოცრად კომფორტული და მოსახერხებელი აპლიკაციის დახმარებით ხდება, რომლის გადმოწერაც თქვენი ანდროიდებისთვის ან IOS სისტემისთვის შეგიძლიათ. მარტივი რეგისტრაციის საშუალებით კი მრავალფეროვან სერვისებზე სახლიდან გაუსვლელად ერთ სივრცეში მიგიწვდებათ ხელი.

იმასთან ერთად, რომ REDMED საშუალებას გაძლევთ თქვენთვის საჭირო სპეციალისტებთან ვიზიტი თუ ონლაინ კონსულტაცია თავად, გართულებული ბიუროკრატიის გარეშე თქვენთვის სასურველ დროს ჩაინიშნოთ, პლატფორმის სპეციალისტებს თითქმის სრულყოფილ კონსულტაციასთან ერთად შეუძლიათ საჭიროების შემთხვევაში დანიშნულება ბლანკიან ფურცელზე, ბეჭდით და ხელმოწერით აპლიკაციაშივე გამოგიგზავნონ.

REDMED-ის ინოვაციური სერვისის დახმარებით თქვენს ჯანმრთელობაზე დროოისა და ენერგიის ზედმეტად ხარჯვის, ამავდროულად კი ნაკლები საფრთხის გარეშე იზრუნებთ.