კორონავირუსის გამო ამერიკასა და კანადას შორის გადაადგილება იზღუდება. ამის შესახებ ინფორმაცია ცოტა ხნის წინ ამერიკის პრეზიდენტმა, დონალდ ტრამპმა საკუთარ ტვიტერზე გაავრცელა.

"ურთიერთშეთანხმებით დროებით ვხურავთ ჩრდილოეთ საზღვარს კანადასთან. თუ აუცილებლობის არარსებობის შემთხვევაში გადაადგილება იზღუდება და ის არ ეხება სავაჭრო გადაზიდვებს", — დაწერა ტრამპმა.

13 მარტს დონალდ ტრამპმა ქვეყანაში საგანგებო მდგომარეობა გამოაცხადა. დღევანდელ ბრიფინგზე ტრამპმა თქვა, რომ კორონავირუსზე ტესტი თავადაც ჩაიტარა და პასუხები 1-2 დღეში გახდება ცნობილი.

ამერიკამ 12 მარტს ევროპის ქვეყნებთან საზღვარი 30 დღით ჩაკეტა. ახალი რეგულაცია ეხება როგორც საჰაერო ისე საზღვაო გადაადგილებას. სატელევიზიო მიმართვის დროს ტრამპმა აღნიშნა, რომ ევროპის 26 ქვეყნიდან აშშ-ში შესვლა აიკრძალება. მოგვიანებით ცნობილი გახდა, რომ ამერიკაში შესვლა ირლანდიიდან და ბრიტანეთიდანაც აიკრძალა.

ამერიკაში კორონავირუსით მინიმუმ 6 496 დადასტურებული შემთხვევაა, გარდაცვლილთა რაოდენობა კი 144-ია.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: