ბერგჰაინი, ბერლინში მდებარე ევროპის ყველაზე მნიშვნელოვანი ღამის კლუბი, ფუნქციონირებას დროებით წყვეტს. კლუბი კორონავირუსის გამო 20 აპრილამდე დაიკეტება.

გადაწყვეტილებას წინ უძღვოდა კიდევ ერთი კლუბის, Trauma Bar Und Kino-ს განცხადება დროებით მუშაობის შეწყვეტასთან დაკავშირებით.

ევროპასა და ჩრდილოეთ ამერიკაში ტურნე გააუქმეს ელექტრონულმა დუეტმა Disclosure და ბენდმა Underworld.

ბერგჰაინის ოფიციალურმა წარმომადგენელმა განაცხადა, რომ დახურვის შესახებ გადაწყვეტილება პერსონალის, სტუმრებისა და არტისტების ინტერესების გათვალისწინებით მიიღეს.

ამჟამად გერმანიაში კორონავირუსის 1908 შემთხვევაა დაფიქსირებული, რომელთაგანაც 3 გარდაცვალებით დასრულდა.