ბრი ავსტრალიელი ქალია, რომელსაც სამსახურში მისულს, ოფისში დიდი არეულობა დახვდა. ის მაშინვე მიხვდა, რომ შენობაში ვიღაც შეიჭრა და ეს ყველაფერიც სწორედ იმ მავნებელის ნამოქმედარი იყო.

ფოტო: Supplied

ვიღაცას ოატაკზე წიგნები და სხვა მნშვნელოვანი ნივთები გადმოეყარა — თანამშრომლებმა მთელი ოფისი დაათვალიერეს და დიდი გამოძიების შემდეგ, დამნაშავეც გამოიჭირეს.

"შევედი ჩემს ოფისში და მივხვდი, რომ ვიღაცამ იქ უნებართვოდ შეაღწია. შემდეგ კი ეს პატარა საყვარელი არსება დავინახე, რომელიც ჩემივე კომპიუტერის უკან იმალებოდა", — ამბობს ქალი.

დიახ, კანბერას ნაციონალური უნივერსიტეტის ერთ-ერთ საოფისე ოთახში არც მეტი, არც ნაკლები პატარა ოპოსუმი შეპარულა და კარგი დროც უტარებია.

ბრიმ ისიც აღნიშნა, რომ დაუპატიჟებელი ცხოველი ცოტათი შეშინებული იყო და დასამშვიდებლად მას ცოტაოდენი წყლითა და საკვებითაც გაუმასპინძლდა.