საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე გიორგი მამალაძის შეწყალებაზე ამბობს, რომ საპატრიარქოს საკითხით "კიდევ ერთხელ დაინტერესების ფორმატი" არ აქვს და გადაწყვეტილება პრეზიდენტმა უნდა მიიღოს.

მისივე თქმით, ერთადერთი რად საპატრიარქოს შეეძლო, ეს იყო პრეზიდენტისთვის გიორგი მამალაძის შეწყალების შუამდგომლობით მიმართვა.

"უნდა ითქვას, რომ საპატრიარქოს მიერ დაყენებული მრავალი შუამდგომლობებიდან ამ ხნის განმავლობაში მხოლოდ 5% არის დაკმაყოფილებული. ეს ფორმატი აქვს საპატრიარქოს, რომ შუამდგომლობა დააყენოს. ამის იქით სხვა ფორმატი არ გვაქვს. დანარჩენი უკვე უნდა დაველოდოთ პრეზიდენტის გადაწყვეტილებას. ჩვენ არ გვაქვს კიდევ ერთხელ დაინტერესების ფორმატი. ჩვენ გავაგზავნეთ შუამდგომლობა. ეკლესიას ნუ განვიხილავთ მხოლოდ საზოგადოებრივ ინსტიტუციას, რომელსაც შეუძლია, რომ მერე კიდევ რაღაც პროტესტები "მოაწყოს და კარვები გაშალოს. მსგავსი რამ არ იქნება", — განაცხადა ანდრია ჯაღმაიძემ.

სინოდმა თითქმის ორწლიანი პატიმბრობის შემდეგ ოქტომბერში გიორგი მამალაძის შეწყალებაზე შუამდგომლობის გადაწყვეტილება მიიღო, თუმცა 23 ნოემბერს, გიორგობის დღესასწაულთან დაკავშირებით, გიორგი მამალაძე პრეზიდენტმა არ შეიწყალა. თუმცა, რამდენი თვით ადრე პრეზიდენტის მიერ შეყწალებულთა სიაში მოხდვდნენ მძიმე დანაშაულისათვის მსჯავრდებულები. ხმაურიანი შეწყალებების შემდეგ კი პრეზიდენტმა შეწყალების დახვეწის ინიაციატივა გამოთქვა და 18 სექტემბერს შეწყალებაზე მორატორიუმი გამოაცხადა. თითქმის ოთხთვიანი მორატორიუმის შემდეგ კი დეკემრის ბოლოს ცნობილი გახდა, რომ პრეზიდენტი სალომე ზურაბიშვილი მსჯავრდებულებს საშობაოდ შეიწყალებს.

გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.