შინაგან საქმეთა სამინისტროს ინფორმაციით, მარნეულში მომხდარი ქურდობის საქმეზე 2 პირი დააკავეს. მათ ბრალი ჯგუფურად, არაერთგზის ჩადენილ ქურდობაში ედებათ.

უწყების განცხადებით, ნივთმტკიცებად ამოღებული აქვთ მოპარული ნივთები. საქმეზე გამოძიება სისხლის სამართლის კოდექსის 177-ე მუხლის, მე-3 ნაწილის "ა", "ბ", "გ" და მე-4 ნაწილის "გ" ქვეპუნქტებით მიმდინარეობს. ამ მუხლებით გათვალისწინებული დანაშაული 4-დან 10 წლამდე ვადით თავისუფლების აღკვეთას ითვალისწინებს.