მარნეულში ავტოსაგზაო შემთხვევის შედეგად ორი ადამიანი გარდაიცვალა, თერთმეტი კი დაშავდა. როგორც შინაგან საქმეთა სამინისტროში On.ge-ს უთხრეს, ორი მიკროავტობუსი და ერთი მსუბუქი მანქანა ერთმანეთს შეეჯახნენ.

გამოძიება სისხლის სამართლის კოდექსის 276-ე მუხლის მერვე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.