მინისტრთა კაბინეტთან შეხვედრაზე აზერბაიჯანის პრეზიდენტმა ილჰამ ალიევმა, რომლის მანდატიც ცოტა ხნის წინ ჩატარებულ რეფერენდუმში 5-დან 7 წლამდე გაიზრდა, განაცხადა, რომ ქვეყანას ევროკავშირში გაწევრიანება არ სჭირდება.

"ჩვენ გვჭირდება სტაბილურობა და განვითარება. რატომ უნდა გავერთიანდეთ ევროპასთან? ის კრიზისში იძირება".

თუმცა მან დასძინა, რომ აზერბაიჯანი მუშაობს ევროკავშირთან დაახლოებაზე:

"ჩვენ მზად ვართ მათთან ვიმუშაოთ, მაგრამ არ გავწევრიანდეთ. ვინც გაწევრიანებაზე საუბრობს, ჯობს ეს დაივიწყოს".

Meydan TV-ის ცნობით, ალიევმა ასევე ახსენა, რომ ყარაბაღის კონფლიქტთან დაკავშირებით ევროპის პარლამენტს "უბრალოდ პოზიცია" გააჩნია.

მისი თქმით, მიგრანტთა კრიზისთან დაკავშირებით ევროპა უსულგულობას იჩენს.

26 სექტემბერს აზერბაიჯანში ჩატარებული რეფერენდუმის შედეგები ილჰამ ალიევს, რომელიც პრეზიდენტის პოსტს 2003 წლიდან იკავებს, უპრეცედენტო უფლება-მოსილებებს მიანიჭებს.