აშშ-ს პრეზიდენტი, დონალდ ტრამპი თურქეთის ეკონომიკის განადგურებით იმუქრება იმ შემთხვევაში, თუ ანკარა ისეთ რამეს გააკეთებს, რაც ამერიკელ ლიდერს არ მოეწონება. კონკრეტულად რას გულიხმობდა ტრამპს არ დაუკონკრეტებია.

აღნიშნული განცხადება ტამრაპმა მას შემდეგ დატვიტა, რაც თურქეთმა სირიაში ქურთების წინააღმდეგ საბრძოლო მოქმედებები დაგეგმა. სირიელი ქურთები ე.წ. ისლამურ სახელმწიფოსთან ბრძოლაში აშშ-ს პარტნიორები იყნენ.

"ამის შესახებ ადრეც განმიცხადებია და ახლაც ვიტყვი, რომ თუ თურქეთი გააკეთებს ისეთ რამეს, რასაც მე ჩემი დიდებული და განსაკუთრებული სიბრძნით მიუღებლად ჩავთვლი, მთლიანად გავანადგურებ თურქეთის ეკონომიკას (რაც ადრე უკვე გამიკეთებია)!" — დაწერა ტრამპმა.

თურქეთის პრეზიდენტმა, რეჯეპ ტაიპ ერდოღანმა სირიის ჩრდილოეთით სამხედრო მოქმედებების დაწყების შესახებ რამდენიმე დღის წინ განაცხადა. მისი თქმით, ოპერაციის მიზანი თურქეთის საზღვარზე, სირიის ტერიტორიაზე ქურთული თავდაცვის ძალებისგან გათავისუფლება და უსაფრთხო ზონის შექმნაა.

თეთრმა სახლმა განაცხადა, რომ აშშ თურქეთის სამხედრო ოპერაციას ხელს არ შეუშლია, მაგრამ არც მასში მონაწილეობას აპირებს. გარდა ამისა, ცნობილი გახდა, რომ მათ ოპერაციის ადგილიდან, სირიის ჩრდილო-აღმოსავლეთიდან სამხედროები გამოჰყავთ.