ცესკოს თავჯდომარემ, თამარ ჟვანიამ ბრიფინგი გამართა და მოსახლეობას წინასაარჩევნოდ საჭირო ინფორმაცია გააცნო:

"8 ოქტომბრს ამომრჩეველს შესაძლებლობა ექნება აირჩიოს პარლამენტის 150 დეპუტატი, აქიდან 77 წევრი პროპორციული საარჩევნო სისტემის, 73 წევრი მაჟორიტარული საარჩევნო სისტემის. ამომრჩეველმა არჩევანი 35 საარჩევნო სუბიექტს, 19 პარტიასა და 6 ბლოკს შორის უნდა გააკეთოს. ასევე არჩევანი უნდა გააკეთოს ამ სუბიექტებისა და საინიციატივო ჯგუფების მიერ წარდგენილ მაჟორიტარ კანდიდატებს შორის. არჩევნებს დააკვირდება 42092 წარმომდგენელი, 111 ადილობრივი დამკვირვებელი ორგანიზაცია (29931 დამკვირვებელი), 55 საერთშორისო ორგანიზაციის 1440 დამკვირვებელი. საარჩევნო პროცესს უპრეცედენტო რაოდენობა - 184 მედიაორგანიზაციის 5368 წარმომადგენელი გააშუქებს. საარჩევნო უბნები დილის რვა საათზე გაიხსნება".

ჟვანიას თქმით, ყველა საარჩევნო უბანზე მცირემხედველი ამომრჩევლისთვის ხელმისაწვდომი იქნება 2 გამადიდებელი ლინზა, ხოლო უსინათლო ამომრჩევლისთვის ბიულეტენის სპეციალური ჩარჩო:

"ფიზიკური შეზღუდვის მქონე ამომრჩევლისთვის ადაპტირებულია 1115 საარჩევნო უბანი, რომელიც ასევე აღჭურვილია სპეციალური ხმის მიცემის კაბინეტით. ამომრჩეველთა ერთიან სიაში 3 513 884 ამომრჩეველია".

ჟვანიას თქმით, 8 ოქტომბერს აჭარის პარლამენტი არჩევნებთან ერთად, 8 ოლქში აჭარის უმაღლესი საბჭოს არჩევნებიც ტარდება:

"ამავე დღეს საქართველოს სხვადასხვა საარჩევნო ოლქში საკრებულოს შუალედური და მერის გამგებლის რიგგარეშე არჩევნებიც. საკრებულოს შუალედური არჩევნები ჩატარდება თბილისის, წალკის, ჭიათურის, აბაშისა და ზუგდიდის მუნიპალიტეტების შესაბამის საარჩევო ოლქებში, ხოლო რიგგარეშე არჩევნები ტარდება თვითმმართველი ქალაქის ახალციხის მერისა და თვითმმართველი თემების, ბოლნისის, ხარაგაულის, ჭიათურის, ზუგდიდისა და წალენჯიხის მუნიციპალიტეტების გამგებლების ასარჩევად".