წლების შემდეგ თავისუფლების ინსტიტუტი მუშაობას განაახლებს. ორგანიზაციის დასარეგისტრირებლად საჯარო რეესტრს უკვე მიმართეს. ინფორმაცია ამის შესახებ თავისუფალი ინსტიტუტის გამგეობის ერთ-ერთმა წევრმა, თამარ ჩერგოლეიშვილმა On.ge-ს მიაწოდა.

მისი თქმით, ორგანიზაცია სამი მიმართულებით, ეკონომიკის, მართლმსაჯულებისა და საგარეო პოლიტიკის მიმართულებით იმუშავებს. თავისუფლების ინსტიტუტის მუშაობაში ჩართული იქნებიან გიორგი მელაძე და ლევან რამიშვილი.

"გვინდოდა სივრცის გაკეთება, რომელიც დასავლური კურსის, სეკულარულარული სახელმწიფოსა და თავისუფალი ეკონომოკის მიმართულებით არამხოლოდ კრიტიკით დაკავდებოდა, არამედ ალტერნატივებსაც შესთავაზებდა ხელისუფლებას", — ამბობს ჩერგოლეიშვილი.

თავისუფლების ინსტიტუტი 1996 წლის 26 აგვისტოს რუსთავი 2-ის მიმდინარე მოვლენების დროს დაფუძნდა. მაშინ (17 ივლისს) არხს კავშირგაბმულობის სამინისტრომ მაუწყებლობა შეუწყვიტა. სახელმწიფოს ეს მოქმედება სიტყვის თავისუფლების უხეშ დარღვევად შეფასდა.

სხვადასხვა დროს თავისუფლების ინსტიტუტის სახელით გაკეთებულ კვლევებზე გიგა ბოკერია, ლევან თარხნიშვილი, ლევან რამიშვილი, დავით ზურაბიშვილი, მერაბ ბასილაია, ზურაბ ჭიაბერაშვილი, გიორგი მელაძე, სოზარ სუბარი, გივი თარგმაძე, თამარ კინწურაშვილი და სხვები მუშაობდნენ.