უკრაინის პრეზიდენტის, ვოლოდიმირ ზელენსკის კორტეჟი ავარიაში მოყვა. უკრაინული გამოცემა strana.ua წერს, რომ პრეზიდენტის კორტეჟის რამდენიმე მანქანამ ავტობუსის გადასწრება სცადა, რამაც ავტოსაგზაო შემთხვევა გამოიწვია.

შემთხვევა 14 ივლისს ზაპოროჟის ოლქში მაშინ მოხდა, როცა პრეზიდენტის კორტეჟი მივლინებიდან კიევში ბრუნდებოდა. შემთხვევას მსხვერპლი არ მოჰყოლია.

წყარომ გამოცემას უთხრა, რომ "მუდმივი ლუსტრაციის გამო" სახელმწიფო დაცვის დეპარტამენტში 30 მძღოლიდან მხოლოდ ნახევარი მუშაობას, ხოლო კადრების ნაკლებობისა და მძიმე გრაფიკის გამო, მძღოლებს არ სძინავთ.

როგორც სახელმწიფო დაცვის დეპარტამენტი აცხადებს, ავტოავარიაში Volkswagen Transporter-ის მიკროავტობუსი მოხვდა. მათივე თქმით, პრეზიდენტის მანქანა კორტეჟში არ იყო. უწყება მედიაში გავრცელებულ ინფორმაციასაც გამოეხმაურა და აღნიშნა, რომ მათ მძღოლების საკმარისი რაოდენობა ჰყავთ და მათი გრაფიკი უკრაინის კანონმდებლობას შეესაბამება.

ამავე თემაზე: