რუსთაველის გამზირზე აქცია #სირცხვილია განახლდა. 25-ე დღეა აქციის მონაწილეები შინაგან საქმეთა მინისტრი, გიორგი გახარიას გადადგომას ითხოვენ.

დღევანდელ აქციას უჩვეულო ფორმა აქვს. გამოსვლების პარალელურად ფლი მარკეტი მიმდინარეობს, რომელშიც ქართული სტარტაპერები არიან ჩართული. ტერიტორიაზე სტარტაპერები ანტისაოკუპაციო თემატიკის მაისურებს, ჩანთებს, ღვინოებს, სუვენირებსა და სხვადასხვა ნივთს ყიდიან.

მარკეტის ორგანიზატორების თქმით, სტარტაპერები შემოსული თანხის 20%-ს ნებაყოფლობით ჩარიცხავენ აქციების ორგანიზებისთვის გამოყოფილ ანგარიშზე.