საფრანგეთის პრეზიდენტმა, ემანუელ მაკრონმა დააანონსა, რომ მიმდინარე წლის სექტემბრიდან საფრანგეთის კოსმოსური ძალების სამეთაურო შტაბი შეიქმნება. ამის შესახებ მაკრონმა 13 ივლისს, ბასტილიის აღების ეროვნულ დღესასწაულამდე ერთი დღით ადრე გამოაცხადა.

როგორც პრეზიდენტმა განმარტა, ახალი სამეთაურო შტაბი საფრანგეთის კოსმოსური პოტენციალის განვითარებასა და განმტკიცებას შეუწყობს ხელს. მისივე განმარტებით, შტაბი საფრანგეთის სამხედრო-საჰაერო ძალების შემადგენლობაში იქნება.

"ჩვენ გავაძლიერებთ ჩვენს ცოდნას კოსმოსურ მდგომარეობაზე, უკეთ დავიცავთ ჩვენს თანამგზავრებს", — განაცხადა პრეზიდენტმა.

საფრანგეთის პირველი ქვეყანაა არაა, რომელიც განსაკუთრებულ ინტერესს იჩენს კოსმოსური ძალების მიმართ. აშშ-ში აცხადებენ, რომ კოსმოსური ძალების სამხედრო დანაყოფი უკვე 2020 წლისთვის შეიქმნება და ის სხვა სამხედრო სამსახურებს გაუთანაბრდება.