ლგბტ აქტივისტების აქცია დასრულდა, კონტრაქციის მონაწილეები ახლა პოლიციას უპირისპირდებიან.

აქტივისტები ტერიტორიას ტოვებდნენ, როდესაც კონტრაქციის მონაწილეები პოლიციას დაუპირისპირდნენ. სამართალდამცავებმა რამდენიმე მათგანი დააკავა. დაკავებულების ზუსტი რაოდენობა ამ ეტაპზე უცნობია.

ფოტო: კადრი ვიდეოდან / ლიბერალი

ფოტო: კადრი ვიდეოდან / ლიბერალი

დაპირისპირებაში ჩართული იყო ერთ-ერთი სასულიერო პირიც, რომელიც პოლიციას არ დაუკავებია და გვერდით გაიყვანა.

ფოტო: ირაკლი კუნჭულია / On.ge

კონტრაქციის მონაწილე მღვდლები აცხადებენ, რომ დასაკავებელი არა ისინი, არამედ აქტივისტი ნატა ფერაძეა. მათი თქმით, ფერაძემ მათ შეურაცხყოფა მიაყენა.

რამდენიმე წუთის წინ მამა დავით ისაკაძე მასთან სასაუბროდ იყო მისული და განაცხადა, რომ აქტივისტები აგრესიულები იყვნენ კონტრაქციის მონაწილეების მიმართ.