ეროვნული ბიბლიოთეკის მოძრაობა ეკვილიბრიუმისა და სასტუმრო ბილტმორის წარმომადგენლები გურჯაანის მუნიციპალიტეტში არსებულ ორგანიზაცია "ხელი-ხელს"-ის სპეციალურ სახლებს ესტუმრნენ.

"ეროვნული ბიბლიოთეკის მოძრაობა ეკვილიბრიუმი და სასტუმრო ბილტმორის წარმომადგენლები გურჯაანს ვესტუმრეთ. "აჩუქე წიგნის" ფარგლებში მოგროვებული წიგნები ჩავიტანეთ. ძალიან დიდ და მნიშვნელოვან საქმეს აკეთებს ორგანიზაცია "ხელი ხელს" — მარტო გურჯაანში მათ სამი სახლი აქვთ 18 წელს ზემოთ მყოფი შეზღუდული შესაძლებლობების მქონე პირებისთვის. დღეს ამ სახლებში მცხოვრებ არაჩვეულებრივ და წიგნის მოყვარულ ადამიანებს პატარა ბიბლიოთეკები მოვუწყვეთ. დაგვეხმარნენ გამომცემლობები: ინტელექტი, დიოგენე, ბაკურ სულაკაურის გამომცემლობა და პალიტა L", — განაცხადა გიორგი კეკელიძემ.

ეკვილიბრიუმის მხარდამჭერია კომპანია გალფი.