საქართველოს ყოფილმა პრეზიდენტმა, მიხეილ სააკაშვილმა უკრაინის მოქალაქეობის დაბრუნების შემდეგ რუსთავი 2-თან საუბარში განაცხადა, რომ იგი ხვალვე, 29 მაისს ჩაფრინდება კიევში. მისი თქმით, უკრაინა მის მიმართ იყო ზუსტად ისეთი, როგორიც საქართველო.

"კიევში ვბრუნდები, მაგრამ ჩემი ყველა ფიქრი არის საქართველოზე. მე დავეხმარები უკრაინის ახალ პრეზიდენტს, ძალიან საინტერესო პიროვნებას, ზელენსკის, რომელსაც დიდი ხანია ვიცნობ. დავეხმარები უკრაინელ ხალხს", — აცხადებს მიხეილ სააკაშვილი.

დღეს, 29 მაისს უკრაინის ახლადარჩეულმა პრეზიდენტმა, ვოლოდიმირ ზელენსკიმ ოდესის ყოფილ გუბერნატორსა და საქართველოს ყოფილ პრეზიდენტს, მიხეილ სააკაშვილს უკრაინის მოქალაქეობა დაუბრუნა.