სენაკის საკრებულოს წევრი ნაციონალური მოძრაობის სიით, ბორის სოსელია ამბობს, რომ ქართული ოცნების წევრმა, ზაზა ნაჭყებიამ სცემა. ამის შესახებ სოსელიამ რუსთავი 2-ს სენაკის ჰოსპიტალში განუცხადა.

დაშავებული დეპუტატის მტკიცებით, კონფლიქტი მას შემდეგ დაიწყო, რაც ქართული ოცნების ფრაქციის თავმჯდომარემ კოლეგებს უთხრა, რომ არჩევნები სამეგრელოში დემოკრატიულად ჩატარდა და არჩეული მერისთვის გამარჯვება უნდა მოელოცათ. ოპოზიციის წარმომადგენელმა კი შუალედურ არჩევნებს "ძალადობრივი უწოდა", რასაც ჩხუბი მოჰყვა.

შინაგან საქმეთა სამინისტროში On.ge-ს განუცხადეს, რომ გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.