ბიძინა ივანიშვილმა, პარტია ქართული ოცნების მემორანდუმის შესახებ მედიასთან კომენტარი გააკეთა. მისი თქმით, მემორანდუმს ხელი ყველა პარტიამ უნდა მოაწეროს, თუმცა ასეთი ტიპის დოკუმენტის შედგენის საჭიროება არ უდნა დამდგარიყო:

"ამის საჭიროება არ უნდა დამდგარიყო. თვითონ ფაქტი, რომ ხდება მოთხოვნილება ასეთ დოკუმენტზე, არის ცუდი და მომავალში უნდა ვიფიქროთ რომ აღარ გახდეს ამის საჭიროება".

ივანიშვილმა მემორანდუმის საჭიროების შედგენაში, წინა ხელისუფლება დაადანაშაულა:

"მე ვფიქრობ, რომ წინა ხელისუფლების მმართველობის ცუდი დანატოვარია და მათივე აგრესიული გამოვლინებებია ძირითადად ეს დაპირისპირება. მე მახსოვს როდესაც პოლიტიკაში მოვედით, საშუალება არ გვქონდა რომ გავსულიყავით და მოსახლეობას შევხვედროდით. იქ ჰყავდათ ე.წ. ზონდერები, რომლებიც ძალიან აქტიურობდნენ და ხშირად მუშტი კრივში გადადიოდა".

პარტია ქართული ოცნების აღმასრულებელმა მდივანმა ირაკლი კობახიძემ, 8 ოქტომბრის პარლამენტის არჩევნებში საარჩევნო აგიტაციისას კონტრაქციების თაობაზე, მემორანდუმის ტექსტი გაასაჯაროვა.

21 სექტემბერს, სპეციალურად გამართულ ბრიფინგზე, კობახიძემ განმარტა რომ მემორანდუმის ტექსტი დღესვე გადაეგზავნე არჩევნებში მონაწილე პარტიებს და დაელოდებიან მათ გამოხმაურებას.