თბილისის სატრანსპორტო კომპანიის ყოფილმა უფროსმა მამუკა კობახიძემ 2018 წელს თანამდებობაზე მუშაობისთვის ანაზღაურებად 84 250 ლარი მიიღო. თბილისის მერიის დაქვემდებარებული ეს კომპანია ემსახურება ქალაქს ავტობუსებითა და მეტროთი.

კობახიძე ამ თანამდებობას 2017 წლის ნოემბრიდან 2019 წლის იანვრამდე იკავებდა. მან თანამდებობაზე დანიშვნიდან 40 დღეში ანაზღაურების სახით 13 ათას ლარზე მეტი აიღო.

კობახიძის თანამდებობაზე მუშაობის პერიოდში თბილისის სატრანსპორტო კომპანია არაერთხელ გამხდარა კრიტიკის ობიექტი. მისი დირექტორობის პერიოდს ემთხვევა მეტროს მემანქანეების გაფიცვა და ვარკეთილის მეტროსადგურში ჭერის ჩამონგრევა.