ერთ თვეში ქართულმა ოცნებამ ოპოზიციურ პარტიებთან შედარებით 30-ჯერ მეტი ლარის შემოწირულობა მიიღო. წინასაარჩევნო პერიოდში, 20 მარტიდან 20 აპრილამდე მმართველ გუნდს 1 384 500 ლარი, ხოლო ოპოზიციას 45 782 ლარი გადაურიცხეს.

ოპოზიციურ პარტიებს შორის შემოწირულობა მიიღეს:

  • ერთიანი ნაციონალური მოძრაობა — 21 613 ლარი;
  • ევროპული საქართველო — 4 781 ლარი;
  • საქართველოს ქრისტიან-კონსერვატიული პარტია — 12 000 ლარი;
  • თავისუფალი საქართველო — 6 300 ლარი;
  • დემოკრატიული მოძრაობა — ერთიანი საქართველო — 1 000 ლარი;
  • საქართველოს ერთიანი კომუნისტური პარტია — 88 ლარი.

მმართველი გუნდის შემომწირველი არის პარტიის დამფუძნებლისა და თავმჯდომარის, ბიძინა ივანიშვილის ძმა, ალექსანდრე ივანიშვილი. მან პარტიას 45 000 ლარი გადაურიცხა. მსხვილ შემომწირველებს შორის არიან ქართუ ბანკის დირექტორატის წევრები, რომლებმაც მმართველ გუნდს 220 000 ლარი შესწირეს.