24 აპრილს მარტვილში მოქალაქის საცხოვრებელი სახლი სამმა ნიღბიანმა პირმა დააყაჩაღა. შინაგან საქმეთა სამინისტროს ინფორმაციით, მათ ოჯახის წევრს სხეულის დაზიანება მიაყენეს და ცეცხლსასროლი იარაღის მუქარით ოქროს ნივთები და ფული გაიტაცეს.

საქმეზე გამოძიება სისხლის სამართლის კოდექსის 179-ე მუხლის მეორე ნაწილით მიმდინარეობს, რაც ჯგუფურად ჩადენილ ყაჩაღობას გულისხმობს. ამ მუხლით გათვალისწინებულია პატიმრობა ექვსიდან ცხრა წლამდე. უწყების ინფორმაციით, დანაშაულში ბრალდებული ერთი პირი უკვე დაკავებულია, სხვა პირების დასაკავებლად კი ოპერატიულ-საგამოძიებო მოქმედებები მიმდინარეობს.