GOT-ის პრემიერა სულ რამდენიმე საათის წინ შედგა, თუმცა ინტერნეტში უკვე გამოჩნდნენ ადამიანები, რომლებმაც გაბედეს და ყველაფერზე წამსვლელ დედოფალ სერსეის დაცინვა გაუბედეს.

ფრთხილად, წინ სპოილერია!

დაცინვის მიზეზი კი ვერც კი წარმოიდგენთ რა გახდა. სერსეის აბუჩად იმის გამო იგდებენ, რომ კინგს ლენდინგში სპილოებს ელოდებოდა, თუმცა პირში ჩალაგამოვლებული დარჩა.

დიახ, სწორად წაიკითხეთ სერსეის, ტირანს, მკვლელს, სისხლისმსმელს და კიდევ ვინ მოთვლის რამდენი უბედურები თვისების მქონე დედოფალს სპილოების გამო დასცინიან.

ყველაფერი კი იმით დაიწყო, რომ სერსეიმ თავი მოტყუებულად იგრძნო, როდესაც მის სამეფოში ესოსიდან არმია ჩამოვიდა, თუმცა მისთვის დაპირებული სპილოები, რომლებიც სერსეის ბრძოლაში სჭირდებოდა, არ ჩამოუყვანიათ.

ესოსიდან სერსეის დასახმარებლად 20 ათასი ჯარისკაცი, ორი ათასი ცხენი, გემები და იარაღი ჩამოვიდა... მაგრამ, არა სპილოები. სერსეისაც მეტი რა დარჩენოდა?! გაბრაზდა.

ეს ყველაფერი კი ინტერნეტსივრცეში მალევე იქცა დიდი ხუმრობის თემად. ერთ-ერთი პირველი კი ვინც დედოფალს დაცინვა გაუბედა მსახიობი კუმალ ნანჯიანი გახდა.

"GOT-ის სპოილერი: სერსეის უყვარს სპილოები", - დაწერა მსახიობმა ტვიტერზე.

თუმცა, კუმალი ერთადერთი არ ყოფილა ვინც სერსეისა და სპილოების ამბავი აიტაცა:

სერსეი, როდესაც შეიტყო, რომ სპილოები არ ჩამოიყვანეს

კვლავ სერსეის რეაქცია, ამჯერად ტრავოლტას ცნობილი გიფით

სერსეის სპილოების რეაქცია, როდესაც ისინი მკვდრების არმიას დაინახავენ

უთხარით სერსეის, რომ სპილოები არ იქნებიან

რა თქმა უნდა, ტვიტერში და არამხოლოდ იქ, სერსეის დაცინვის უამრავი პოსტი იყო. თუმცა, იმის შიშით, რომ სერსეიმ არ გაგვიგოს, აჯობებს მალე დავამთავროთ. ვინ იცის, რა აზრი მოუვა თავში რკინის ტახტის ამჟამინდელ მფლობელს.