ტვიქსი, ჰუბა ბუბა, სკიტლზი, M&Ms, ბაუნტი, მარსი და ვრინგლი — ეს ყველაფერი უფასოდ ერგება მას, ვინც Mars Wrigley-ის სტაჟირების პროგრამაში ამოყოფს თავს.

სტაჟიორს ყველაზე ტკბილი სამუშაოს შესრულება მოუწევს — წარმოების წერტილებში სიარული და ახალდამზადებული შოკოლადებისა და სხვა ტკბილეულის გასინჯვა.

ეს ყველაფერი არაა — იღბლიანი ადამიანი, რომელსაც ამ თანამდებობაზე აირჩევენ, ტკბილეულობას უფასოდ ერთი წლის განმავლობაში მიიღებს.

პოზიციაზე განაცხადებს Mars Wringley პირველად არ იღებს. 2018 წელს, "ტკბილეულის შემფასებლის" პოზიციაზე ენდრიუ უილეტი აირჩიეს.

"როცა განაცხადი ვნახე, ყველაფრის კეთება შევწყვიტე და მაშინვე რეზიუმე გავგზავნე", - ამბობს ის.

სტაჟირების გავლა 21 წლის ან მეტი ასაკის ამერიკის მოქალაქეებს შეუძლიათ. პროგრამა 12 კვირის განმავლობაში გრძელდება და სამუშაო ადგილი კომპანიის სათავო ოფისში იქნება, რომელიც ჩიკაგოშია.