ხელნაწერთა ეროვნული ცენტრის ინფორმაციით, დაღესტანში აღმოჩენილი ხელნაწერის შესახებ ინფორმაციას წლებია ფლობენ.

სახარება, რომელიც ქართულ ენაზეა დაწერილი, ეტრატის ქვედა ფენაზე იკითხება და ის ქართველმა მეცნიერმა, დალი ჩიტუნაშვილმა დაღესტნის ქალაქ მახაჩკალაში ვიზიტისას შეისწავლა. ასომთავრულით გადაწერილი სახარების ტექსტი არაბული ხელნაწერის ქვედა ფენაზეა მოქცეული და მის შესახებ, ქართული სამეცნიერო წრისთვის 2014 წლიდანაა ცნობილი.

"სრული ტექსტოლოგიური კვლევის დასრულებამდე [ხელნაწერი] VI-VII საუკუნეებით შეიძლება დათარიღდეს", - აცხადებს ხელნაწერთა ეროვნული ცენტრი.

ხელნაწერის ტექსტი ამ დროისთვის სრულადაა იდენტიფიცირებული და გადმოწერილი. ის ქართული მხარისთვის გადმოსაცემად მზადდება.