სლოვაკმა ოპოზიციონერმა კანდიდატმა ზუზანა ჩაპუტოვამ საპრეზიდენტო არჩევნები მოიგო. ჩაპუტოვამ, რომელსაც თითქმის არ აქვს პოლიტიკური გამოცდილება, არჩევნების მეორე ტურში ევროკომისიის ვიცე-პრეზიდენტი და სახელისუფლებლო კანდიდატი, მაროშ შეფშოვიჩი დაამარცხა. არჩევნები გუშინ, 30 მარტს გაიმართა. კენჭისყრა სლოვაკეთის დროით 22 საათზე დასრულდა.

BBC-ის ცნობით, ხმები უკვე დათვლილია და შედეგებით, ჩაპუტოვას ამომრჩეველთა 58 პროცენტმა დაუჭირა მხარი, მის კონკურენტს კი ამომრჩეველთა 42 პროცენტმა მისცა ხმა.

ზუზანა ჩაპუტოვა არჩევნებს უწოდებდა "კეთილსა და ბოროტს შორის შეჭიდებას". არჩევნებს ასევე წინ უძღოდა გამომძიებელი ჟურნალისტის მკვლელობაც. 26 თებერვალს, 27 წლის იან კუჩაკი და მარტინა კუსნიროვა ბინაში ცეცხლსასროლი იარაღით მოკლულები იპოვეს. პოლიციის ხელმძღვანელის თქმით, მკვლელობის მოტივი, სავარუდოდ, კუჩიკის ჟურნალისტური საქმიანობა იყო. სლოვაკი ჟურნალისტი იან კუჩაკი ევროპული ფონდების ფულით თაღლითობის შემთხვევებსა და იტალიური მაფიოზური დაჯგუფების ნდრანგეტას მონაწილეობას იძიებდა.

ზუზანა ჩაპუტოვა აცხადებდა, რომ ეს საქმე ერთ-ერთი მიზეზი იყო, რატომაც გადაწყვიტა მან არჩევნებში მონაწილეობა. მკვლელობის შემდეგ სლოვაკეთის პრეზიდენტმა ანდრეი კისკამ განაცხადა, რომ ნდობის აღსადგენად მთავრობა უნდა შეიცვალოს ან ვადამდელი არჩევნები ჩატარდეს.

ზუზანა ჩაპუტოვა ლიბერალური პარტია პროგრესული სკოვაკეთის წევრია, რომელსაც მანდატი არ აქვს პარლამენტში. იგი თავისი განცხადებებით მხარს უჭერს ლგბტ პირთა უფლებებს.