პარლამენტის წინ მიმდინარე ტაქსისტების აქციაზე ერთი პირი დააკავეს. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს.

უწყების ცნობით, გამოძიება ადმინისტრაციული კოდექსის 166-ე და 173-ე მუხლებით მიმდინარეობს, რაც წვრილმან ხულიგნობასა და პოლიციელისადმი დაუმორჩილებლობას გულისხმობს.

თბილისში ტაქსის მძღოლები ლეიბორისტულ პარტიასთან ერთად აქციას მართავენ. აქცია-მსვლელობა ვაგზლის მოედნიდან დაიწყო და რუსთაველის გამზირზე გადაინაცვლა, სადაც მათ გზის სავალი ნაწილი გადაკეთეს.

პოლიცია გზის გათავისუფლებას მოითხოვდა, რასაც პოლიციასა და აქციის მონაწილეების სიტყვიერი დაპირისპირება და შეხლა-შემოხლაც მოჰყვა.

ტაქსისტები ლეიბორისტულ პარტიასთან ერთად იმ რეგულაციებს აპროტესტებენ, რომელიც მანქანების თეთრად გადაღებვასა და წელიწადში ორჯერ ტექდათვალიერების გავლას გულისხმობს.