ექს-პრეზიდენტი მიხეილ სააკაშვილი ვიდეომიმართვაში ამბობს, რომ ნაციონალური მოძრაობის მხარდამჭერები და აქტივისტები შიდაპარტიული გადაწყვეტილებების მიღებაში ელექტრონულად უნდა ჩაერთონ. მას იმედია აქვს, რომ პარტია ტელეფონებისთვის შექმნის აპლიკაციას, რომლითაც აქტივისტები გადაწყვეტილების მიღებაში პირდაპირ ჩაერთვებიან.

"ჩვენ გვყავს 400 ათასი რეგისტრირებული აქტიური მხარდამჭერი და აქტივისტი. ამ ხალხმა, თქვენ უნდა მიიღოთ გადაწყვეტილებები, არა ვიღაცების მეშვეობით, არა კულისებში, არა ვიღაცების ერთმანეთში მოლაპარაკებით, თქვენ უნდა მიიღოთ გადაწყვეტილება და ელექტრონული კენჭისყრის მექანიზმები, რომელიც არსებობს, ამის საშუალებას იძლევა. შეგვეძლება, ხმა მივცეთ ჩვენი iPhone-ით", — განაცხადა სააკაშვილმა.

მისივე თქმით, აქტივისტები გადაწყვეტილებებს მიიღებენ ისეთ საკითხებზე, როგორიცაა საარჩევნო სიების შერჩევა კანონპროექტების მხარდაჭერა, ძირითადი პოლიტიკური პოზიციების შეჯერება და ა.შ.

ამავე თემაზე: