პოლიტიკაში მობრუნებული ირაკლი ღარიბაშვილი ამბობს, რომ პრემიერის თანამდებობიდან გადადგომის შესახებ გადაწყვეტილება "ორ კაცში მოლაპარაკებით" გადაწყდა. ის ივანიშვილთან მოლაპარაკებას გულისხმობდა. ამის შესახებ მან TV პირველის ეთერში ისაუბრა.

"ეს ყველაფერი, რა თქმა უნდა, მე დაგეგმილი მქონდა, გვქონდა და ეს ყველაფერი ვიცოდი და ეს იყო გააზრებული. და კიდევ ვიმეორებ, ორ კაცში მიღებული გადაწყვეტილება რჩება ორ კაცში. არ შეიძლება ამის განხილვა და მერე უკვე გარეთ გამოტანა. [წასვლაზეც ორ კაცში იყო მოლაპარაკება] არ დაუმალავს არც ივანიშვილს და არც მე", — აღნიშნა ღარიბაშვილმა.

ღარიბაშვილი პრემიერის თანამდებობიდან 2015 წლის 30 დეკემბერს გადადგა. პარტიის დამფუძნებელმა, ბიძინა ივანიშვილმა ერთ-ერთ ინტერვიუში თქვა, რომ ამ გადაწყვეტილების შესახებ ინფორმირებული იყო.