საქართველოს ყოფილი პრემიერ-მინისტრი ირაკლი ღარიბაშვილი სავარაუდოდ პოლიტიკაში ბრუნდება. ამის შესახებ ინფორმაციას ტელეკომპანია რუსთავი 2 და TV პირველი ავრცელებენ. ტელეკომპანიების ცნობით, ირაკლი ღარიბაშვილი პარტიის მდივნის პოსტს დაიკავებს.

ქართულმა ოცნებამ პოლიტსაბჭოს მიმდინარე სხდომის კადრები გაავრცელა, სადაც ჩანს, რომ შეხვედრაზე ბიძინა ივანიშვილთან ერთად ირაკლი ღარიბაშვილიც იმყოფება.

ირაკლი ღარიბაშვილის პოლიტიკაში დაბრუნების შესახებ წერს, საქართველოს მთავრობის ადმინისტრაციის მოადგილე ირაკლი ღარიბაშვილის პრემიერ-მინისტრობის დროს, ნინა კობახიძეც.

ქართული ოცნების პრესსამსახურში გავრცელებულ ინფორმაციას არ უარყოფენ. On.ge-ს კითხვაზე, ესწრება თუ არა ოცნების ოფისში პოლიტსაბჭოს მიმდინარე სხდომას ირაკლი ღარიბაშვილი და განიხილება თუ არა პოლიტიკაში მისი დაბრუნების საკითხი, გვპასუხობენ, რომ "პოლიტსაბჭოს შემდეგ გაკეთდება ან გავრცელდება განცხადება".

ამ წუთებში ქართული ოცნების ოფისში პოლიტსაბჭოს სხდომა იმართება, რომელსაც გავრცელებული ინფორმაციით, ირაკლი ღარიბაშვილიც ესწრება.