თიბისი გალერეაში გელა ჩარკვიანის წიგნის ნაგერალას წარდგენა გაიმართა. ღონისძიებაზე ეროვნული ბიბლიოთეკის დირექტორმა გიორგი კეკელიძემ გელა ჩარკვიანს, რომელსაც 80 წელი შეუსრულდა, ეროვნული ბიბლიოთეკის საპატიო მკითხველის ორდენი გადასცა.

"ეროვნული ბიბლიოთეკის საპატიო მკითხველის წოდება ყოველწლიურად ერთ ადამიანს ენიჭება. წელს ბატონი გელა ჩარკვიანი დავაჯილდოვეთ. საპატიო მკითხველებად ვარჩევთ ადამიანებს, რომლებიც დიდი ხნის მანძილზე იყვნენ ჩვენი ერთგული მკითხველები და ბიბლიოთეკისთვის მნიშვნელოვანი პერსონები არიან", - განაცხადა გიორგი კეკელიძემ.