27 თებერვალს საქართველოს პრეზიდენტი, სალომე ზურაბიშვილი ოფიციალური ვიზიტით აზერბაიჯანს ეწვევა. ვიზიტის ფარგლებში ის პრეზიდენტ ილჰამ ალიევს შეხვდება. ამის შესახებ ინფორმაციას პრეზიდენტის ადმინიტრაცია ავრცელებს.

მათი ინფორმაციით, შეხვედრა პირისპირ და გაფართოებულ ფორმატში გაიმართება. სალომე ზურაბიშვილი და ილჰამ ალიევი შეხვედრის დეტალებს ჟურნალისტებს ერთობლივ პრესკონფერენციაზე გააცნობენ.

გარდა ამისა, ადმინისტრაციის ცნობით, დაგეგმილია შეხვედრები აზერბაიჯანის რესპუბლიკის პრემიერ-მინისტრ ნოვრუზ მამედოვთან და პარლამენტის თავმჯდომარე ოქტაი ასადოვთან. ის ასევე შეხვდება აზერბაიჯანში მცხოვრებ ქართველ სტუდენტებს და საქმიანი წრეების წარმომადგენლებს.