თბილისის მერმა კახა კალაძემ დღეს, 20 თებერვლის მთავრობის სხდომაზე სატრანსპორტო პოლიტიკის ცვლილებაზე ისაუბრა. მისი თქმით, ქალაქში სატრანსპორტო საშუალებებით გამოწვეული ჰაერის დაბინძურება კრიტიკულ ზღვარს აღწევს, 500 ათასი ავტომობილი გადაადგილდება და ყოველწლიურად 6-7 პროცენტით იზრდება იმპორტირებული ავტომობილების რაოდენობა:

"თუ არაფერი შევცვალეთ ჰაერი საერთოდ აღარ დარჩება ქალაქში. ჩვენი სატრანსპორტო პოლიტიკა მიზნად ისახავს ნაკლებ მანქანას ქალაქში და მეტ საზოგადოებრივ ტრანსპორტს".

მერი აღნიშნავს, რომ 2019 წლის ბოლოს მთლიანად ჩანაცვლდება ყვითელი ავტობუსების პარკი.