პროკურატურის ინფორმაციით, საქართველოში განსაკუთრებით დიდი ოდენობით ნარკოტიკული საშუალების უკანონოდ შემოტანის ბრალდებით დაკავებულ უცხო ქვეყნის მოქალაქეს 18 წლით პატიმრობა მიესაჯა.

მათი ცნობით, ბრალდებულმა სხვადასხვა სახის ნარკოტიკული საშუალება თურქეთიდან შემოიტანა. სამართალდამცველებმა ის 2018 წლის 28 მაისს დააკავეს. მას ბრალდება სისხლის სამართლის კოდექსის 262-ე მუხლის მე-2 ნაწილის ა და მე-4 ნაწილის ა ქვეპუნქტებით წარედგინა, რაც დიდი ოდენობით და განსაკუთრებით დიდი ოდენობით ნარკოტიკული საშუალების უკანონოდ შემოტანას გულისხმობს.