2019 წლის 14 თებერვლიდან, სერიალების სამყაროს ახალი შოუ დაემატება. ჰარი პოტერის ვარსკვლავი დენიელ რედკლიფი და სტივ ბუშემი TBS-ის ახალ კომედიურ სერიალში Miracle Workers მთავარ როლებს შეასრულებენ.

სერიალის სიუჟეტი სამოთხეში იწყება, სადაც ღმერთი (სტივ ბუშემი) სასტიკ გადაწყვეტილებას მიიღებს - გაანადგუროს დედამიწა.

ამ გადაწყვეტილებას წინ ორი ანგელოზი აღუდგება და ცდილობენ დაუმტკიცონ ღმერთს, რომ კაცობრიობა გადარჩენას იმსახურებს. სწორედ ამიტომ, მათ თითქმის შეუძლებელი მისია უნდა შეასრულონ - მოახდინონ სასწაული და ორ ადამიანს ერთმანეთი შეაყვარონ.

ერთ-ერთი ანგელოზის როლს დენიელ რედკლიფი ასრულებს.