დიდი ბრიტანეთის დედოფლის, ელისაბედ მეორეს ქმარი, პრინცი ფილიპი ავტოავარიაში მოყვა. ბუკინგემის სასახლის ინფორმაციით, ედინბურგის 97 წლის ჰერცოგი მანქანას თვითონ მართავდა, ინციდენტი კი სანდრინჰემის სასახლესთან ახლოს მოხდა. მათივე თქმით, ავარიაში კიდევ ერთი მანქანა მონაწილეობდა. შემთხვევას უკვე იძიებს პოლიცია.

თვითმხილველების ინფორმაციით, ჰერცოგის მანქანა ამოყირავდა. მათივე თქმით, ისინი ჰერცოგს მანქანიდან გამოსვლაში დაეხმარნენ. მეორე მანქანაში მყოფებმა მსუბუქი დაზიანება მიიღეს. ედინბურგის ჰერცოგი სანდრინჰემის სასახლეში გადაიყვანეს, სადაც ექიმმა გასინჯა და აღნიშნა, რომ ჰერცოგს არანაირი ტრავმა არ მიუღია.

ფოტო: Universal News And Sport