პაატა ბურჭულაძის პარტიის საარჩევნო ბლოკში შემავალი გირჩის ლიდერი ზურაბ ჯაფარიძე ბურჭულაძის დაპირებას სოციალური დახმარების მიმღებ მოქალაქეთა რაოდენობის გაორმაგების შესახებ ფეისბუკზე განმარტავს.

ჯაფარიძე აცხადებს, რომ სოციალური დახმარების სისტემა უნდა გასწორდეს და მდიდარ ოჯახებზე სახელმწიფო ბიუჯეტი აღარ უნდა იხარჯებოდეს.

"მოსახლეობის ყველაზე შეძლებული 20% სახელმწიფოსგან აღარ მიიღებს დახმარებას, რაიმე ფორმით. მოსახლეობის ეს ნაწილი მნიშვნელოვან სარგებელს ნახავს გადასახადების შემცირებით და შემდეგ გაუქმებით, ხოლო ფული რომელიც დღეს იხარჯება მოსახლეობის ყველაზე შეძლებულ 20%-ზე, გადანაწილდება მოსახლეობის გაჭირვებულ ნაწილზე, ფულის, ჯანმრთელობის დაზღვევის და განათლების დაფინანსების სახით".

ზურაბ ჯაფარიძის თქმით, მათი პროგრამის მიხედვით, დახმარების მიმღებთა რიცხვი მილიონამდე გაიზრდება.

გუშინ პაატა ბურჭულაძემ განაცხადა, რომ ხელისუფლებაში მოსვლის შემთხვევაში, იმ ადამიანების რიცხვს გაზრდის, რომლებიც სოციალურ დახმარებას იღებენ:

"ჩვენ გვაქვს გეგმა, რომ დღეს სოციალური დახმარება ეძლევა 500 000 ადამიანს, ჩვენ ამას გავხდით ერთ მილიონს".