საქართველოს მესამე პრეზიდენტი, მიხეილ სააკაშვილი შეუერთდა ემიგრანტების კამპანიას ფეისბუქზე სახელწოდებით ერთად სახლში. სააკაშვილმა ფეისბუქზე ვიდეო გამოაქვეყნა, სადაც ამბობს, რომ ის ხშირად ხვდება ქართველ ემიგრანტებს. მიხეილ სააკაშვილის თქმით, სწორედ ეს ადამიანები ინახავენ საქართველოს ეკონომიკას.

"უცხოეთის უბნებზე ოპოზიციამ გაიმარჯვა უზარმაზარი უპირატესობით, სადაც ხახვი კარტოფილი ვერ დაარიგეს და სადაც მოსყიდვა არ მუშაობს. ეს არ კმარა, ყველა ქართველს ენატრება საქართველოში დაბრუნება, ყველას უნდა თავისი შვილები იქ გაზარდოს, ყველას უნდა თავის შვილებს დაუბრუნდეს და არაფერი არ ჰქონდეს გასაქცევი. ჩვენ დიდი ტალღა უნდა ავიზვირთოთ და ამ აზვირთებულმა ტალღებმა გაზაფხულამდე უნდა მიაღწიონ საქართველომდე და საქართველოს ყველა ქალაქამდე და ქართველებმა უნდა დაიბრუნოს საქართველო. მე თქვენთან ერთად წამოვალ, წამოვალ არაფრის არ მეშინია ბოლომდე გავალთ. ერთად სახლში", — განაცხადა მიხეილ სააკაშვილმა.

მისი თქმით, ის აპირებს შეხვდეს ქართველ ემიგრანტებს. "ჩავკიდოთ ერთმანეთს ხელები და წავიდეთ ჩვენი სამშობლოს დასაბრუნებლად", — განაცხადა სააკაშვილმა.